Os FrouxiMakers na First Lego League

O pasado sábado 16 de febreiro, os equipos de Robótica do CPI de Atios, FrouxiMakers Junior e FrouxiMakers Teens, participaron na fase galega da First Lego League que este ano tiña por temática "O Espazo", os Junior coa "Mision Moon" e os Teens coa "Into Orbit"
O equipo Junior creou un hábitat na Lúa, coa súa estación lunar, robots que extraen xeo e regolito, etc

O equipo Teens realizou un proxecto de cultivo hidropónico en Marte ao que chamou "ASTROPLANT" , que non necesita terra, alimentandose de auga e fertilizante (ouriño dos astronautas), iria soterrado e as plantas medrarían con luz LED.

A participación deste equipo conseguiu o "Pemio Princesa de Girona ao Emprendemento"

Relación velocidade, tempo, distancia. Experimentando con MBOT.

Reto:
Ao iniciar, o robot espera un segundo e acende a luz vermella. Avanza á velocidade que se indica na táboa e recorre 60cm. Ao rematar acende a luz verde. Anotamos o tempo empregado.
Repetimos a operación  variando a velocidade e imos anotando os tempos.

Completa esta táboa programando o MBOT. Fai todos os ensaios que precises.

Distancia	Indicador MBOT	Velocidade cm/s	Tempo
60 cm	60
60 cm	80
60 cm	100
60 cm	120

Contesta:

1.Que pasa ao aumentar a velocidade?

2.Estas medidas son directamente proporcionais ou inversamente proporcionais?

3.Cal é a correspondencia entre o indicador do robot e a velocidade en cm/sg? Completa a táboa

MBOT. Probando, probando...

Νο obradoiro de 6º de EP comezamos cos MBOT. 
Os retos de hoxe:
Reto 1.
O robot MBOT avanza cara adiante durante 3 segundos e fai unha parada doutros 3 segundos. Acende unha luz branca durante 4 segundos e apágase. Agarda 3 segundos e comeza de novo, agora mostrando unha luz doutra cor.

Reto 2.
Mostrar alternativamente, cada 4 segundos: cara alegre, cara triste, acende unha luz branca, apágase, toca catro notas seguidas e mostra a cara alegre.
Repite dúas veces.

Labirintos con scratch

O reto de hoxe!!!
O alumnado de 6º de EP no obradoiro de robótica segue a traballar co Scratch. Este martes practicou a facer un labirinto e mover un obxecto por dentro do mesmo.